Shëndetësia e Bashkuar Kosovare është kundër çfarëdo lirimi të masave të propozuar nga Ministri Zemaj, i cili jo vetëm që ka dështuar në mënyrë aktive të menaxhojë situatën mirëpo nën Qeverinë Hoti Kosova ka shënuar 1500 Vdekje dhe 50’000 të infektuar.
Kabllogrami i Publikuar rishtazi nga gazetari i Politico tregon sesi Kosova ka dështuar në çdo aspekt menagjimin e Pandemisë. Ka dështuar Ministria e Shëndetësisë në marrjen e Masave dhe Ministria e Punëve të Brendshme në Ekzekutimin e tyre.
Sipas një hulumtimi të thjeshtë nga SHBK Union, mostra prej 1000 individëve në Prishtinë ka treguar që vetëm 2.7% mbajnë maskën mbrojtëse dhe 97.3% NUK mbajnë maskë mbrojtëse ose e mbajnë gabim.
Edhe pse ekziston ligji i miratuar, Policia e Kosovës në Rajonin e Prishtinës dhe më gjerë NUK po merr masat e nevojshme për të ndaluar dhe dënuar individët e papërgjegjshëm që nganjëherë edhe me qëllim shpërndajnë virusin në komunitet.
Në anën tjetër Republika e Kosovës ka siguruar ekzaktësisht 0 vaksina përkundër Serbisë e cila ka mbi 1’000’000 sosh. Mosrespektimi i masave, mostestimi i rasteve të kontaktit, shkeljet nga inspektorët dhe lobimi i grupeve të interesit në pasqyrim me një vendim të rrezikshëm të Zemaj për detyrimin e studentëve në prezencë fizike, një vendim i kritikuar nga të gjithë epidemiologët rajonal do bëjë që Kosova të jetë e fundit në Rajon në vaksinim dhe shërim.
Ulja e shtesave për infermierët nga 300 Euro në 150 Euro, në mënyrë që të paguhet stafi JO-Shëndetësor sikur sigurimi, një vendim i propozuar dhe lobuar nga FSSHK e Blerim Sylës jo vetëm që ka malltretuar punonjësit infermier por edhe ka shkaktuar tejet pakënaqësi mbrenda këtij grupi, të cilin e ftojmë të na bashkohen në Sindikatë. Me ne pagat e Infermierëve do jenë ose 50% më të larta ose Kosova duhet të gjejë infermier nëpër vendet Aziatike apo Afrikane pasiqë ne do jemi në grevë 24/7 pa asnjë lëshim.
Ne Bëjmë THIRRJE QEVERISË SË RE që të iniciojë izolimet në qytete, të vazhdojë me mësimin online, të angazhojë Inspektoratin Policor dhe Policinë e Kosovës në terren dhe të lejojë OJQ dhe SHBK UNION të hap dyert organizatave vendore dhe ndërkombëtare të verifikojnë numrat e Publikuar nga IKSHPK.
